काठमाडौं
२०२-०८-०४
राजु सामत
काठमाडौँ —चालु आर्थिक वर्षको कात्तिक महिनामा मात्रै १ अर्ब ५४ करोड ३९ लाख रुपैयाँ विदेशी लगानी प्रतिवद्धता (एफडीआई) आएको छ । कुल ७१ वटा उद्योगमा साढे १ अर्ब रुपैयाँ लगानी प्रतिवद्धता आएको छ
कुल ६९ वटा साना उद्योग र २ वटा मध्यम उद्योगमा लगानी प्रतिवद्धता आएको विभागले जनाएको छ । विभागका अनुसार चालु आर्थिक वर्षको साउन-कात्तिकमा ३८२ उद्योगमा ३६ अर्ब ६८ करोड १६ लाख रुपैयाँ लगानी प्रतिवद्धता आएको छ ।
कृषिमा ६० प्रतिशत, सेवा क्षेत्रमा ८ प्रतिशत, उत्पादन ५ प्रतिशत, पर्यटन २४ प्रतिशत, ऊर्जामा १ प्रतिशत, सूचना तथा प्रविधिमा २ प्रतिशत लगाी प्रतिवद्धता आएको छ । विभागका अनुसार एक हजार २० जना लगानीकर्ता, २०५ जना प्रतिनिधि र ३३२ जनाले डिपेन्डेन्ट बिजनेस भिजा लिएका छन् ।
साउन-कात्तिकसम्म ३८ करोड २२ लाख ५४ हजार रुपैयाँ रोयल्टी, ८ लाख १५ हजार अमेरिकी डलर, २० करोड भारु रोयल्टीबापत लगानीकर्ताहरु फिर्ता लैजान स्विकृती लिएका छन् । यस्तै लाभांसबापत ६ करोड ७९ लाख ८२ हजार रुपैयाँ फिर्ता लैजान स्विकृती लिएको विभागले जनाएको छ ।
पहिलो चौमासिकमा उत्पादनमुलकतर्फ २१ वटा उद्योगमा १ अर्ब ६५ करोड २० लाख रुपैयाँ, ऊर्जामुलकमा १ उद्योगमा १८ करोड ४२ लाख, कृषिमुलकमा १३ उद्योगमा २१ अर्ब ८८ करोड, पर्यटनमुलकमा ११८ उद्योगमा ८ अर्ब ९४ करोड रुपैयाँ लगानी प्रतिवद्धता आएको छ ।
खनिजमुलकमा १ उद्योगमा ४ करोड ५० लाख, सेवामुलकमा २३ उद्योगमा ३ अर्ब ९ करोड र सूचनाप्रविधिमुलकका २०५ वटा उद्योगमा ८७ करोड ४३ लाख ८६ हजार रुपैयाँको लगानी प्रतिवद्धता आएको छ ।
