२९ असोज २०८२
कपिलवस्तु
बिजय बस्याल
विप्लव नेतृत्वको नेपाल कम्युनिष्ट पार्टीका ४७ जना केन्द्रीय सदस्यहरुले प्रचण्डको असफलताको भारी बोक्ने गरी एकता गर्न नहुने सुझाव दिएका छन ।
आईतवारदेखि कपिलवस्तुको शिवगढीमा जारी नवौं केन्द्रीय समितिको तेस्रो विशेष बैठकमा सुझाव राख्ने ४७ जना केन्द्रीय सदस्यहरुले प्रचण्डको असफलताको भारी बोक्ने गरी नेकपाले एकता गर्न नहुने सुझाव दिएका हुन ।
केन्द्रीय सदस्यहरुले जेनजी विद्रोहले प्रमुख नेताहरुको राजनीतिक कोर्ष समाप्त भएको बताएका छन ।
केन्द्रीय सदस्यहरुले जेनजी विद्रोहको मुद्धा सहि भएपनि बैठान सहि नहुदा विद्रोह अधुरो हुन पुगेको बताएका छन ।
नेकपाका महासचिव विप्लव सीले आईतवारको बैठकमा ‘विशिष्ट परिस्थितिको विशेष कार्यभार’ शिर्षकको ८ पृष्ठ लामो राजनीतिक प्रस्ताव पेश गर्नु भएको थियो ।
उक्त प्रस्तावमाथि सोमवार ४७ जना केन्द्रीय सदस्यहरुले आ –आफ्नो धारणा राख्दै नयाँ कम्युनिष्ट केन्द्र बनाएर विप्लवको नेतृत्वमा पार्टी एकता हुने अवस्थामा एकता गर्न सकिने सुझाव दिएका छन ।
केन्द्रीय सदस्यहरुले नयाँ नेतृत्व र नयाँ विचार विना पुराना गल्तीहरुको भारी बोक्ने गरी माओवादी केन्द्रसंग एकता गर्न नहुने विचार राखेका हुन ।
केन्द्रीय सदस्यहरुले एकताको कुरा त्यति सजिलो नभएको भन्दै एकता गर्दा सचेत रहनु पर्ने नेतृत्वलाई सुझाव दिएका छन ।
उनीहरुले बेला– बेला संसदीय अभ्यास गर्ने दलहरुले सरकारको नेतृत्व गरेपनि नेपाली जनता विरुद्ध ठुलठुला गति गरेका कारण जेनजी विद्रोह हुन पुगेको टिप्पणी गरेका छन ।
जेनजी विद्रोह हुनुमा केपी ओली, शेरवहादुर देउवा मात्र जिम्मेवार नभएको भन्दै त्यसमा प्रचण्डपनि जिम्मेवार रहेको बताएका छन ।
जनयुद्धको लक्ष्य अनुसार माओवादी नेतृत्व अगाडि नबढदा देश अस्थिर भएको र क्रान्ति अधुरो भएको निश्कर्ष केन्द्रीय सदस्यहरुले निकालेका छन ।
बैठकमा बोल्ने अधिकांस केन्द्रीय सदस्यहरुले अबको निकास भनेको सच्चा क्रातिकारी कम्युनिष्ट शक्ति बिचको एकता र नेपाली विशेषताको समाजवाद हुने बताएका छन ।
उनीहरुले एकताको नाममा विचार सिद्धान्त र कार्यदिशा विना एकता गर्न नसकिने विचार राखेका छन । यदि एकता गनै परे ‘नयाँ आधारमा नयाँ एकता, नयाँ विचार र नयाँ नेतृत्व’ सहित एकता गर्नुपर्ने बताएका छन ।
सोमबारको बैठकमा केन्द्रीय सदस्यहरुको धारणा राख्ने क्रम सकिएको छैन । मंगलवार पुनः विहान ८ बजेबाट नेकपाको केन्द्रीय समितिको बैठक सुरु हुनेछ ।
सोमवारको बैठकमा वोल्न वाकी केन्द्रीय सदस्यहरुले मंगलवार आ –आफ्नो धारणा राख्ने छन ।
एउटा केन्द्रीय सदस्यको लागि ५ मिनेटको समय तोकिएको छ । बैठकमा झण्डै १ सय २० जना पूर्ण केन्द्रीय समितिका सदस्यहरुको सहभागिता रहेको छ । यो बैठकमा वैकल्पिक केन्द्रीय सदस्यहरुको सहभागिता छैन । बैठकमा सबैले सुझाव राखेपछि महासचिव विप्लवले सम्वोधन गर्नुहुनेछ । त्यसपछि बैठकका एजेण्डा अनुसार निर्णय हुने नेकपा श्रोतले जनाएको
