अर्घाखाँची २९ भदौ २०८२ बिजय बस्याल सन्धिखर्क नगर समितिका सभापति बाबुराम भुसालले नेपाली कांग्रेस परित्याग गरेको घोषणा गरेका छन्। उनले पार्टीले देश र जनताको आवाज दबाउने प्रयास गरेको भन्दै असन्तुष्टि व्यक्त गरेका छन्। भुसाल विगत केही समयदेखि जिल्लामा देखिएका विभिन्न विसंगतिहरू र पार्टी संगठनभित्रका समस्याहरूको विषयमा निरन्तर रुपमा आवाज उठाउँदै आएका थिए। उनी कांग्रेसभित्र ती विषयमा खुलेर धारणा राख्ने गनिएका गिनेचुनेका नेताहरूमध्ये एक थिए। पार्टी परित्यागको निर्णय जानकारी गराउँदै उनले पार्टी कार्यालयमा पत्र पठाउनुका साथै जिल्ला सभापति लगायत सम्बन्धित सबै नेताहरूसँग औपचारिक पत्राचार गरेका छन्।
